ORANJESTAD (AAN): E weganan di Korsou ta wordo bendi na Aruba tambe via e sistema di Lotto pa Deporte.
Un di e hungadornan ta Antonius, y el a bira contento sabiendo cu su numbernan a libra. Pesey riba Diamars el a acudi na oficina di Lotto na Playa pa asina reclama su premio.
Ora el a yega, mesora e empleadonan di Lotto a check si el a pone su firma na e parti patras di e ticket, y mesora a valida esaki via computer, cu a confirma cu Antonius a gana 10.000 Florin cu Wega di Number Korsou.
Mesora a cuminza cu e proceso pa transferi e premio electronicamente pa su cuenta di banco. Antonius a indica cu e ticket ganador el a cumpra na Tele Uno 3.
