Diahuebs awor tin dos sesion!
ORANJESTAD (AAN): Colegio Nigel Matthew hunto cu Universidad di Aruba y IPA ta organiza un Mercado di Estudio y Profesion. E meta di e anochi aki ta pa duna e alumnonan informacion tocante diferente estudio y professionnan cu nan lo por eherce den futuro.
Nan a invita varios young professionals pa bin conta un poco tocante nan estudio y nan carera. DIARIO a compronde cu lo tin presentacion di entre otro: abogado/hurista, docter, partera, verpleegkundige, psicologo, laborant, ICT’er,
ingeniero, elektricien, managers, marketing executive, business administrator, entrepreneur.
Nan kier informá tur bishitante cu Universidad di Aruba y IPA tambe lo tin un stand di informacion pa asina informa e pueblo tokante e posibilidadnan di e diferente possibilidadnan di studia na Aruba.
E Mercado di Estudio y Profesion aki lo tuma luga Diahuebs 16 november 2023, y lo bay tin 2 sesion.
Sesion 1 ta di 6:30 pm te cu 7:15 pm.
Sesion 2 ta di 7:30 pm te cu 8:15 pm.
Bo futuro ta den bon man, y esaki lo bay ta na Colegio Nigel Matthew.
