ORANJESTAD (AAN): Apenas dos siman pasa el a gana cu segundo premio di e sorteo di Mini Mega, unda el a bay cu 16.299 Florin.
Riba Dialuna, Anchére a bolbe presenta na Oficina di Lotto na Playa pa busca su premio, cu e biaha aki el a gana cu sorteo di Zodiac.
Mesora e funcionarionan di Lotto a revisa e ticket pa check si el a pone su firma y su cuenta di banco riba e ticket. Despues a scan e barcode, y e computer mesora a indica cu Anchére a gana e suma di 62.500 Florin cu e wega di Zodiac Merdia.
Mesora a start cu e proceso pa transferi e premio electronicamente pa su cuenta di banco. Anchére cu sonrisa a indica cu e ticket ganador el a cumpra na Pearl Lottery.
