Director di AZV Edwin Jacobs:
ORANJESTAD (AAN) – Edwin Jacobs, director di AZV, den entrevista cu DIARIO a referi na e nivel di gasto di aña Pasa. El a menciona cu aña pasa e gastonan a keda net bao di mey milliard, esta na 491.3 miyon, cu tabata un aumento di 2.4%, di e gastonan total di AZV.
Jacobs a indica cu desde 2020 cu Covid, e gastonan ta crece na un nivel menos acelera cu locual a conoce prome cu e pandemia. Di e 491.3 ariba menciona, el a keda reparti entre gastonan di administracion y gastonan di cuido.
“Nos a mira un desaroyo impresionante den entradanan di e fondo. Pa prome biaha nos a pasa cien miyon florin, den e caso aki no di gasto pero si di entrada; nos a yega na total di entrada di 545.9 miyon florin cu ta casi 60 miyon mas cu e aña prome”, director di AZV a señala.
Esaki ta bin di e prima cu e aseguradonan ta paga cu a aumenta cu 22 miyon florin y e BAZV a aumenta cu casi 138 miyon florin, cu ta un parti importante, mi ta kere 10 miyon florin mas of menos, a bin di BAZV na frontera, cu ta un parti importante pa e financiamento di e fondo.
Jacobs a indica cu otro parti ta bin di loke e aseguronan ta paga door di esnan causante di accidentenan. Aña pasa, tabata na 300 miyon florin, segun director di AZV a splica.
