ORANJESTAD (AAN): Riba prome dia di scol di 2026, e alumnonan di scol basico Colegio Pastoor Kranwinkel na Paradera, tambe a ricibi bishita di e Paranda Nacional di Dande.
Paranda Nacional di Dande a yega Paradera, bishitando e scol cu Dande riba un trailer cu speaker, y interpreta door di ganadornan di Dande hubenil y infantil. Danki na tur e patrocinadornan cu a haci esaki posibel. E reaccion ricibi na varios scol tabata inmenso, y esey a nota tambe riba e potret aki na e scol na Paradera. Palabra di pabien na Go Cultura Foundation pa e iniciativa special y unico aki.
