ORANJESTAD (AAN): E siman aki, na Colegio EPI e studiantenan di ITH 2B di unit Hospitalidad y Turismo,
a ricibi un bishita inspirador di empresario Omar Steve Lejuez, kende a comparti tips balioso y strategianan practico pa nan proyecto final di mercadeo.
Omar Steve Lejuez ta un empresario creativo conoci pa crea y dirigi proyectonan cu hopi exito. Algun di su brands ta entre otro ‘Aruba Sun’, ‘I Love Aruba’, ‘Smart Promotion’, ‘Privada’, ‘Heart Radio’ y otro iniciativa di branding y turismo.
Omar Steve ta un visionario den design, marketing y entrepeneurship y e ta stimula y motiva hobennan riba nos isla pa dal e stap aki y ta duna e mes como ehemplo cu nada no ta imposibel basta bo tin e gana y hinca tempo den sigui educa bo mes.
Colegio EPI ta sumamente agradecido pa e tempo y dedicacion na e studiantenan.
