ORANJESTAD (AAN): Diaranson anochi den Renaissance Conference Center, e alumnonan di Klas 6A y tambe Klas 6B a despedi di nan docentenan
y demas amigonan, awor cu nan a finalisa les na scol basico Colegio San Hose di Santa Cruz.
Nan tur ta bay awor pa scol secundario, y den cuadro di esey un fiesta cu tema di ‘Galaxia’ a wordo organiza pa nan. Henter e sala grandi a wordo bunita decora cu e tema espacial y tabata bunita pa mira esaki.
Fuera di esey tabatin algun alumno cu a decora nan ‘Graduation Cap’, pues e petchi di graduacion cu na un forma bunita cu e tema di galaxia y exploracion espacial. Aki por mira e hoben Franklyn cu su amigo Gian ta mustra nan bunita petchi. Tambe por mira un petchi crea pa un otro alumno tambe.
