ORANJESTAD (AAN): Pa e sorteo di siman pasa Diaranson anochi, e ciudadano Aimo a cumpra ticket cu e numbernan 4, 14, 21, 22, y 24 pa sorteo di Lotto di Dia. Y anochi el a keda encanta pa mira cu el a gana tambe!
Pesey mes, riba Diahuebs mes Aimo a presenta na oficina di Lotto pa reclama su premio. Aki e trahadornan a check si enberdad el a pone su firma na e banda patras di e ticket, y a scan e barcode den computer.
E computer mesora a confirma cu e ta e unico ganador di e sorteo, y a gana 60.000 Florin cu tabata e jackpot e momento ey.
Despues di esey, mesora a cuminza cu e proceso pa transferi e premio electronicamente pa su cuenta di banco.
Aimo a indica, cu e ticket ganador el a cumpra na M&F Citgo Boulevard.
