ORANJESTAD (AAN): Bon noticia for di Aruba Airport Authority N.V. (AAA). Nan asina yama ‘Wings of Hope’ (WoH) ta orguyoso di por asisti e comunidad di Aruba un aña mas.
E proyecto pa asisti e comunidad di Aruba a cuminza dia 1 di Juni 2020 y awor a bira un di WoH su proyectonan principal pa sigui yuda famianan den necesidad pa motibo di e pandemia.
“Nos enfoque ta pa contribui directamente na e Sustainable Development Goals (SDGs) manera estableci pa United Nations. Wings of Hope actualmente ta contribui na 5 di e Sustainable Goals, cu ta asisti y contribui positivamente na e comunidad di Aruba, cual ta un motibo pa ta orguyoso. AAA lo sigui tuma pasonan cu lo haci un diferencia pa un futuro mas sostenibel pa un y tur,” ta locual Director Health, Safety and Sustainability y e lider di WoH Angeline Flemming a bisa.
