ORANJESTAD (AAN): E aerolinea Wingo a cuminza bula Diamars bek e ruta di Bogota pa Caracas,
y nan a bira asina e di dos compania Colombiano cu ta reanuda nan operacion pa Venezuela despues di e pandemia y e restablecimento di relacion comercial entre e dos paisnan ey.
E vuelo di Wingo a lanta banda di 3:30’or di Diamars atardi di Aeropuerto Internacional El Dorado na Bogota, y a ateriza banda di 6:30 pm na Aeropuerto di Maiquetia na Caracas.
Wingo lo opera e rutanan aki riba Diamars, Diahuebs, y Diasabra usando avionnan Boeing 737-800NG cu tin capacidad di 186 pasahero.
“E vuelo aki a marca e comienzo di operacion bek di Wingo na Venezuela, cual pais a yega di sirbi di forma consecutivo te cu Maart 2020, ora cu mester a stop di bula debi na pandemia,” e aerolinea a indica den un boletin.
