ORANJESTAD (AAN): Un cantidad di alumno, mayor, docente, y tambe Ministro di Enseñanza Gerlien Croes tabata
presente den Ballroom di Marriott’s Aruba Resort & Stellaris Casino pa nan graduacion. Esaki tabata pa e alumnonan cu a logra di gradua pa nan diploma di Colegio EPI Sector Economia.
Pa DIARIO tabata un placer pa nota con e talentoso hoben adulto Byron Lesire di 26 aña di edad, kende ta conoci como un persona kende a nace bao di spectrum di Autismo. El a duna un discurso, y el a splica di su trayectoria largo cu estudio, y con el a topa cu hopi kendenan no a kere den dje, pero sinembargo tambe a haya hopi docente cu a yude inmensamente. Aunke algun rato el a bira victima di bullying, toch el a demostra cu e por y el a bisa tameb cu el a “beat the system”.
Cu apoyo di hopi hende, incluyendo su mama incansabel kende a haci hopi sacrificio, el a sa di obtene su diploma di Colegio EPI Economia Level 4, cu tabata un opleiding di 3 aña.
Ministro Gerlien Croes a manda duna pabien na tur graduado, y ta sigui apoya nan cu e mensahe pa nan sigui traha duro pa logra nan meta pa un futuro prometedor. E potretnan aki pa cortesia di Ministerio di Enseñanza.
