Un Arubiano pober por haci loke Benny Sevinger ta presta
ORANJESTAD(AAN)—Cu algo serio ta pasa na Aruba a keda demostra ayera y tabata topico ayera na Aruba.]
Manera DIARIO a anuncia, e accion cu ta wordo bisa cu ta contra mal gobernacion, tin relacion directo cu e cortina di huma di AVP na momento cu uno di e casonan penal mas pisa di Aruba lo wordo trata dor di Corte di Husticia.
Na Cas di Partido, AVP, tabata tin un reunion cu segun un mensahe publico di Benny Sevinger.
Segun Sevinger den un mensahe publico, Miles di persona a acudi un anochi na Cas di Partido AVP pa pidi e partido actua contra e Gobierno actual.
Si a interpreta e palabranan di Benny Sevinger bon, Miles di persona a bay pidi ayudo di AVP pa baha e Gobierno aki hustamente na momento cu Benny Sevinger mester prepara pa presenta dilanti Huez den uno di e casonan mas bochornoso den historia penal di Aruba.
Arubianonan conciente di loke tabata pasando a informa DIARIO di un situacvion cu nan ta considera completamente contra e mentalidad Arubiano y hasta a wordo puntra kico lo a pasa cu un Arubiano pober, cu mester enfrenta Husticia a base di acusacionnan penal despues di un investigacion di autoridad.
Informantenan clave no por scapa di e realidad di un ambiente sumamente peligroso den cual e Pueblo ta wordo lanta contra Gobierno cu acusacionnan cu hasta a wordo resolve.
Pa un cantidad di Arubiano ta increibel cu un acusado, un persona persigui pa Huez den un cas historico na Aruba, ainda por ta uza e plataforma di Parlamento di Aruba cu sosten di su partido pa lanta Pueblo contra Gobierno.
E palabranan directo cu ta wordo pronuncia dor di Benny Sevinger ta mustra cu, sin mas, un publico di Miles di persona cu sigur no por a mira ayera na Parlamento kier pone un fin na e Gobierno actual.
Preocupacion serio ta reina na Aruba entre ciudadanonan cu ta puntra nan mes con por ta posibel cu e causante di e desastre actual na Aruba, cu ta Mike Eman, hunto cu un persona cu mester presenta como acusado pa un caso criminal manera Benny Sevinger, por ta lanta Pueblo pa asina causa problema na e pais.
E sucesonan tin tur atencion di DIARIO cu tin prueba con Benny Sevinger, na vispera di su caso criminal den Corte, ta uza su puesto den Parlamento pa crea turbulencia politico na Aruba.
