Tarsis Sierra, Director Suplente DAS:
ORANJESTAD (AAN) – Den entrevista cu e director suplente di Departamento di Asunto Social (DAS), señora Tarsis Sierra, el a comenta cu den temporada di Covid-19 nan a wordo acerca pa hopi hende cu diferente tipo di problema social.
Esaki, por cierto, tabata un situacion mundial. Durante e dos añanan di Covid-19 hopi hende a perde trabao, DAS a haya basta hende cu problema cu bay busca ayudo cu psicologo y tambe Abogado Liber.
Pero actualmente, e personanan ta hayando e ayudo cu nan mester y maske e problema social no ta caba, e ta wordo minimiza, door di e servicio como Departamento cu DAS ta duna, y e trabao den cooperacion cu tur otro stakeholder, y nan ta pack op e problema y ta yuda e persona pa e por lanta bek y sigui den e comunidad di Aruba.
Actualmente, aunke e no por bisa cu no tin problema social, pero si por bisa cu nan tine na un manera cu nan ta trahando, cu nan no ta sinti cu ta asina pisa.
Na opinion di señora Sierra, si e comunidad lo no ta satisfecho cu e trabao di DAS, tin un procedure cu por duna keho si nan servicio no ta bon, si nan no a haya e servicio cu nan a spera, locual ultimamente no ta e caso.
“Mi tin cu categoria esey cu si nos ta dunando un bon servicio te aworaki. Logicamente, bo no ta yega na tur hende pa yuda nan den nan necesidad, pasobra nos ta traha cu ley, nos tambe tin nos rekisitonan ken por wordo yuda of no. Pero semper tur hende ta bon bini, nan por haci nan peticion, y despues e departamento concerni ta tuma su decision”, finalmente señora Sierra a indica.
