ORANJESTAD (AAN): Prome Minister di Corsow, Gilmar Pisas a indica cu den cuadro di e Landspakket lo tin tiki 'wetgevingsjuristen' (huristanan cu ta traha ley)
y riba esey e prome ministernan di Aruba, Corsou y Sint Maarten, durante e reunion tripartiet a palabra cu lo yega na otro riba loke ta e trahadonan di ley, pa asina ey ora cu mester traha leynan, e leynan por haya su aceptacion mas lihe posibel.
Minister Pisas a agrega cu esaki ta conta pa tur tres isla. El a indica cu pa loke ta e asunto di e 'topinkomen' (salario di directornan di companianan estatal), lamentablemente no a yega eynan ainda e tempo ey, cu cada un di e mandatarionan a traha un ley cu por ta den futuro nan lo wordo manda pa cambie pa esun di Aruba, Corsow of Sint Maarten.
Riba e tipo di problematica aki tambe a yega na palabracionnan concreto cu ne cu ta bay evita cu esey ta sigui pasa den futuro. Premier Gilmar Pisas a splica.
