ORANJESTAD (AAN): E proyecto di investigacion 'Isleñonan na Timon' (Islanders at the Helm) a cuminsa na 2021 pa un periodo di cinco aña.
Mientras tanto, mas cu 20 investigado a explora un rango amplio di preguntanan tocante con isleñonan na St. Maarten, Saba, St. Eustatius, Aruba, Bonaire y Curaçao a bin ta biba cu retonan di clima, tanto den pasado komo presente.
E investigadonan a usa un cantidad di perspectiva for di ciencianan cultural y social (manera ciencia politica, antropologia (visual), etnopaleontologia, musicologia y mas) pa explora un variedad di asunto en cuanto adaptacion na clima.
Durante e proximo conferencia (21-23 di October) e investigadonan lo presenta nan resultadonan, refleha riba e ultimo cuatro añanan di e proyecto y comparti perspectivanan cu ta importante pa tur personan cu ta biba y traha riba cualkier di e islanan, incluyendo esunnan cu ta traha den ramo politico, pa investigadonan, artistanan, activistanan, studiantenan y ademas personanan den sector priva, social y cultural. Nos ta invitabo pa join nos den e combersacionnan aki na Curaçao den luna di October venidero.
Yamada pa abstracto y articulonan: E proyecto tambe ta invita investigadonan, profesionalnan y artistanan externo pa contribui nan perspectivanan pa e conferencia. Nos ta busca perspectivanan di profesionalnan dedica na explora interseccionnan cultural, di herensia, retonan di clima, politica, gobernacion y adaptacion sostenibel riba islanan den Caribe.
E yamada ta sera riba 31 di maart 2025. Pa haya mas informacion y detaye bay na e website aki:
Nan ta invita perspectivanan reflectivo cu ta traha poetica, politica, gobernacion, investigacion, arkitectura, discurso di desaroyo y ta encurasha exploracion di estetica, vosnan di escritornan local, y ademas imaginarionan y narativonan pa cu futuronan caribense. Abstractonan por enfoca riba cualkier area di Caribe y por explora e pregunanan aki den relacion cu e dinamica ambiental, cultural y politico di e region. E yamada aki ta worde organiza riba dos liña di investigacion: uno riba poetica di clima y uno riba politica di gobernacion di clima.
