Keto bay e cantidad di casonan activo ta keda subi
ORANJESTAD (AAN): Siman ta habri cu un cantidad di 24 persona a recupera y un total di 29 caso nobo di COVID-19 cu a keda registra di cual 13 ta no-residente. Riba diasabra a raporta 27 caso nobo y 259 caso activo.
E cifranan aki ta representa un 'Positivity rate' bou di residentenan di 21%.
E cantidad di casonan activo di COVID-19 ta 264 y cantidad di fayecidonan relaciona cu COVID-19 ta 180.
Datonan ta ilustra casonan nobo di COVID cu un averahe semanal di 29 caso pa dia y un averahe di 'positivity rate' semanal di 17% pa dia.
Actualmente na Aruba tin 7 persona interna debi na COVID di cual den ICU tin 3 persona y riba piso general tin 4.
Na Colombia tin actualmente 6 persona den ICU y ningun (0) riba piso general.
