ORANJESTAD (AAN): Riba Diasabra, e team di SV Athletico Santa Fe Div 1 a sali gana 3 punto, door di derota e team di FC San Nicolas.
E tabata un wega caminda e team di Santa Fe a sali domina sigur 80% di e wega. E team di FC San Nicolas dado momento a haya chens, y a anota un goal.
Esaki a pone e team di Santa Fe reacciona, y a pone extra presion pa asina a sali y score 3 goal.
Di e forma ey nan a gana e wega cu score di 3-1.
Esnan cu a hinca goal pa Santa Fe ta Darvin Henson, Anthony Maduro, y Yudah Gumbs.
E hungadornan di SV Athletico Santa Fe Div 1, ta insisti cu e aña aki nan a bin pa bay cu e copa di Div 1.
