ORANJESTAD (AAN): E organizacion “Form-Ed” a wordo funda na Den Haag na 2008, pero ademas di Hulanda, awor nan ta activo tambe na Aruba, Bonaire, y Curaçao.
Form-Ed nifica Formacion-Educacional pa tur Antiyanonan y Arubianonan.
For di 2018 ta dunando e curso di Life-Coaching, riba e islanan aki. E bon noticia ta cu riba 9 September 2022 e di 3 grupo di Arubianonan cu a haya nan Diploma como Life-Coach profesional.
Prome a tuma un curso di 3 luna cu ta certifica bo como un Life-Coach y awor cu a extende cu 4 luna mas, hopi intensivo, 6 candidato nan a haya nan Diploma, como profesional Life-Coach.
Algun a specialisa den trauma, mindset, rouw, stress y communicatie coach.
Un pabien ta bay na e cursistanan diploma, esta Anne Borrebach, Vanessa Kelly, Ludwiska Petrochi, Angelic Flanders, Aymerick Albertus y Nigaima Asencion. Hopi exito den nan futuro profesion como Life-Coach.
Na nomber di docente señora Ellen de Palm-Rosina, masha pabien na cada un di nan.
