Competencia Weganan Escolar
ORANJESTAD (AAN): Palabra di pabien ta bay na e team masculino di Volleyball, di Colegio Nigel Matthew na San Nicolas, cu a sali campeon den e Competencia di Weganan Escolar.
E team a keda invicto durante e competencia, ya cu nan a sa di gana tur wega den cual nan a participa.
Rectorado y demas staf y personal, y studiantenan di Colegio Nigel Matthew ta orguyoso di e team campeon, cu ta consisti di Thelion Coutinho (Klas H5), Vladimir Solovey (H5), Kevin Li Wu (H5), Jerson Colina (H5), Kevin Serna (H5), Leonard Boekhoudt (H4), Brandon de Wit (H4), Jorick Geerman (H4), Jonathan Toro Vera (H12), y Jay Mohamed (H3).
