ORANJESTAD (AAN) - Diahuebs awor dia 25 di Mei, un grupo di hungadornan di dam lo biaha pa Corsow.
E grupo ta consisti di 4 hungador adulto y 2 hoben bow di 19 aña y un lider di delegacion cu
alaves lo ta un hungador di reserva.
Hungadornan adulto ta Ricky Nisbet, Mario Jansen, Octavio Croes y Hector Winterdal. Lider
di delegacion lo ta Ricardo Wever. E 2 hobennan ta Xyon Jacobs y Jaylee Krozendijk.
Nan lo participa na un torneo di dam ABC, hunto cu Corsow y Bonaire.
Un team ta consisti di 2 hungador. Dus Aruba, Bonaire y Corsow lo tin hunto 6 team cu lo
bataya cu otro. E 2 teamnan di e mes un pais, lo no topa otro. Aruba lo topa dus cu solamente
e 2 teamnan di Corsow y e 2 teamnan di Bonaire.
E hobennan ta hunga un torneo separa entre nan mes pa saca e ganador hubenil di ABC.
E promer encuentro lo tuma lugar na diabierna mainta 10:00 na hotel San Marco y e ultimo
rond lo start diasabra 4:00 di atardi.
Entregamento di premio y clausura lo ta diadomingo 2:00pm
E torneo di dam ABC, a cuminza riba iniciativa di Aruba na 2004 aki na Aruba.
Cada aña otro país ABC lo organiza esaki. Aruba ta na beurt atrobe na 2024.
Nos ta desea e 2 teamnan di Aruba y e nos hobennan tur exito aya na Corsow.
Gastonan haci pa e torneo aki lo wordo gesponsord door di Comision di Subsidio (SSA)
hunto cu Lotto Aruba.
