ORANJESTAD (AAN): Riba Diamars, e seleccion di Bonaire di Beach Tennis a viaha pa Aruba pa representa nan isla den e torneo di Pan Americano di Beach Tennis.
Esaki ta prome biaha cu Bonaire lo participa na e torneo Pan-American Championship y e Aruba Open. Bonaire a yega cu tres team cu ta encera dos team masculino y un team femenino. Categorianan cu Bonaire lo bay competi aden ta Doubles (dos hende masculino of dos hende femenino) y Mix (un masculino y un femenino).
Esnan masculino cu ta representa Bonaire ta Sigrel Burnet, Darvick Anthony, Ryan Richardson, y Jerry Lomp. Esnan femenino ta Susan Wolters y Danielle de Kool.
