ORANJESTAD (AAN)- Diabierna atardi tabata tin un conferencia di prensa na Studio Isla TV caminda a presenta e bondscoach nobo di AVB.
Sr. Marvic Bermudez a keda introduci como e bondscoach di e seleccion nacional di futbol di Aruba. E ta reemplaza e Hulandes Stanley Menzo .
Marvic ta un bon conocedor di futbol ya cu e tabata den directiva di varios clubnan di futbol y seleccionnan di Aruba. Su Curriculum Vitae ta un muestra di su amplio conocimiento riba e tereno aki. Un pabien na Marvic y exito den su tarea nobo y cu e lo sa di duna tur su empuhe den e seleccion di Aruba pa asina nan por resalta unda cu nan bay participa.
