ORANJESTAD(AAN): E campeon di baseball Double-A di Corsow WildCats KJ74 ta na Aruba hungando un torneo contra e campeon di Aruba ATCO Indians y e sub campeon Red Machine.
Diahuebs tabata e prome wega entre WildCats y Atco Indians y akinan e equipo di Corsow cu tin como sponsor pelotero di Major League Kenley Jansen, a gana e wega 10-2.
Pitcher Ruderly Manuel a permiti 1 hit den 3 inning tirando pa WildCats, mientras cu Kennimar Locadia tambe a permiti 1 hit sin permiti careda.
E caredanan di ATCO a wordo anota contra Gavanee Virginie.
E unico caredanan di e equipo di Aruba a bin via un tremendo homerun di 2 careda di Jourick Blanco, kende a bati 2 di e 5 hitnan di ATCO.
Pa WildCats Raysheandell Michel (3-2), Alexander Rodriguez (4-4 )y Risandro Pastor (4-2) tabata e mihor bateadornan.
