ORANJESTAD (AAN): Fundacion Regata Aruba ta anfitrion di e di 16 Regata Internacional di Aruba.
E evento ta tuma luga di diabierna 10 di juli te cu diadomingo 12 di juli 2026 na Surfside Beach, Aruba.
Mariniernan di Aruba, Bonaire, Curaçao y region ta bini hunto pa dos dia di careda y celebracion Caribense. E regata ta habri pa tur nivel, for di nabegantenan Optimista jong te na tripulacionnan di yate experencia.
Klasnan di nabegacion ta incluí: Optimist, SailQube, F11, Beachcats, Sunfish, Laser, Yacht Racing, Yacht Cruising, Yacht Live Aboard, Multihull, y nobo e aña aki: Wingfoil.
Un parti special di e regata ta e careda di Miniatuurboot, organisa pa nan partner Stichting Rancho. E veleronan chikito traha na man aki ta un orguyoso tradicion Arubano y un parti stima di e evento pa grandi y chikito.
E Regatta Village na Surfside Beach ta e curason di e evento cu inscripcion, entretenimento, cuminda y bebida bou di e tent. Diabierna anochi a habri cu bebida y snacks, musica y networking. Careda ta tuma luga diasabra y diadomingo riba e awanan dilanti di playa di Surfside.
