ORANJESTAD (AAN): Den fin di siman cu a pasa, e dragracer Jayson G. Geerman cu su bike ‘Destroyer’,
a marca Historia den e unico categoria di bikes cu a core, Pro Street Bike, na World Cup Finals 2024 na Maryland na Merca.
Jayson aña pasa mes na 2023, a logra cualifica den e Top 10 miho nan di aña pa bay participa den World Cup Finals, na Maryland, pero no a logra cualifica pa bay eliminations.
Sinembargo e aña aki atrobe Jayson Geerman a cualifica den 10 mihornan di 2024 y a cualifica # 7 den esnan cu a bay eliminacion.
Asina bira e prome Arubano y di Reino, cu a participa completamente oficialmente den World Cup Finals 2024. Masha Pabien na Aruba y Jayson Geerman cu su team.
