ORANJESTAD (AAN): E team hoben di Beach Volleyball a cuminza den fin di siman cu e weganan di clasificatorio “NORCECA U23 Continental Tour” riba e Seven Mile Beach na isla di Cayman Island.
E hobennan Thelion Coutinho y Jeandre Kock ta representa Aruba na e campeonato aki unda lo tin 16 team di hobennan bao 23 aña (representando 13 Pais den NORCECA) competiendo pa e weganan clasificatorio pa e weganan mundial di beach volleyball.
E duo di Aruba a wordo acompaña pa e Coach Eddy Toro Maldonado. Aruba Volleyball association ta desea e duo di beach volleyball Thelion Coutinho y Jeandre kock hopi exito.
