ORANJESTAD (AAN)—Siman pasa a continua e di cinco rond di e Campeonato di dam di Aruba.
Ricardo Wever a empata Ricky Nisbet. Rolin Croes a gana di Elogio Croes, Mario Jansen a logra di gana di Annelaine Jacobs, Octavio Croes a gana di Eugenio Filiciana, Hector Winterdal a gana di Obi Tromp, Delbert Alexander a gana di Dennis Kelly y Daniel Diaz a empata cu Chester Berkel.
Despues di 5 rond, nos tin un solo hungador cu a gana tur su partidonan. Esaki ta Mario Jansen cu un score di 10 punto den 5 wega.
Na di 2 lugar, nos ta haja nos hungador mas bieuw den e torneo aki, senjor Delbert Alexander cu un score di 9 punto. (4 gana y un tabla). E tercer lugar ta wordo ocupa na e momento aki door di Octavio Croes cu 8 punto.
Dia 21 di Juli lo topa otro:
Ricky Nisbet – Chester Berkel, Dennis Kelly – Daniel Diaz, Obi Tromp – Delbert Alexander, Eugenio Filiciana – Hector Winterdal, Annelaine Jacobs – Octavio Croes, Elogio Croes – Mario Jansen y Ricardo Wever – Rolin Croes.
E weganan ta start pa 7:00pm en punto den nos club na Nieuwstraat 11, Oranjestad.
