“Punta pa Punta” for di Arashi te na Baby Beach...
ORANJESTAD (AAN): Deaxo Croes, atleta Arubiano cu den fin di siman a realiza e hazaña di Punta pa Punta, como un preparacion extremo pa e proyecto di ‘Crossing for Prevention’.
Crossing for Prevention mes ta tuma luga dia 19 di November 2022. Esey ta e fecha riba cual Deaxo lo landa for di Bonaire pa Curaçao den un hazaña fisico cu ningun otro persona a yega di haci. E obhetivo di e iniciativa aki ta recauda fondo pa fundacion na e islanan ABC cu ta dedica nan mes na e prevencion di cancer.
Ta trata di Fundacion CORESA Aruba, Kanker Fonds Bonaire y Caribbean Prevention Center Curacao.
Pero no mester warda te 19 di november pa cuminsa yuda. Ya caba por bishita
www.crossingforprevention.com y contribui facilmente door di click riba e boton oraño cu e palabra ‘sponsorship’. Cada Florin cu ta aporta ta bay directamente na e logistica di Crossing for Prevention.
Deaxo Croes ta yama danki na un y tur cu ta aportando, di un manera of otro, na haci Crossing for Prevention un realidad. Danki particular ta bay pa e patrocinador principal Aruba Bank, Orco Bank, ASD, Cas Bon, Kooyman, ASD, Sun Bum, Alimenta, BITE! Communications, CR38TE, Verbum Works, Elite Productions y demas partners cu ta aportando.
