ORANJESTAD (AAN): Den fin di siman aki ta tumando lugar e di tres edicion di “PANAM Sports Continental Athletes Forum”, na Punta Cana, Republica Dominica.
E forum ta termina diadomingo, 24 di november. Paisnan miembro di PANAM Sports ta esnan cu ta forma parti di e forum sumamente interesante aki, unda lo tin tres dia di presentacion.
Representando Comite Olimpico Arubano su Comision di Atleta ta Kamilah Dammers di Bowling y Philip Elhage di Tiro Deportivo. Nos ta desea ambos hopi exito y cu e oportunidad aki sa di colecta informacion valioso pa tur nos atletanan local.
