ORANJESTAD (AAN)—Michella Steenvoord-Lacle, recientemente a tuma di reto di bira Presidente di e Club Atletico Santa Fe.
E ta un club cu ta existi pa 74 aña caba, y cu den e siguiente añanan ta bay enfoca riba desaroyo di e veld.
E tarea aki a keda den man di señor sr. Johnson, presidente saliente, a keda como vicepresidente pa e enfoca riba e desaroyo aki y Michella ta keda riba e parti operacional.
E hunta directiva di e club ta consisti tambe di su Tesorero Soe Wan, Eva Wever como PR, Olivier Vieira y Daisy Johnson cu ta encarga di e aspecto tecnico. Tambe den e directiva nan tin un representante di e Division-1, cu ta Jonathan Tromp.
E Club ta consisti di Division-1 te U-7 y despues ta sigui cu U-15 te cu Division-1, Michella Steenvoor-Lacle a splica.
El a agrega cu nan ta bay concentra den haya nan U-13 bek, pasobra nan no tin suficiente mucha pa cera un team, y nan U-13 di hopi tempo caba a keda sin coach. Kiermen, nan tambe a keda sin reforzamento. Esaki tambe ta un di e metanan pa siguiente añanan, Lacle a agrega.
El a agrega cu e club ta hopi orguyoso di e logronan den pasado, cu tabata tin un grupo campeon, y dos subcampeon tambe.
Atletico Santa Fe a inaugura nan uniformnan di Lifida pero tambe di Division-1. E bautismo di uniform a wordo realiza pa minister di deporte y enseñanza Endy Croes, y un representante di BDO cu ta un di e sponsornan y tambe Aruba Bank, cu ta un di e patrocinadornan principal di e club y Notario Johnson.
