ORANJESTAD (AAN): Aruba Amateur Weightlifting Association lo bay tin nan Campeonato Nacional di hisamento di peso.
Esaki lo tuma lugar diadomingo 30 november 2025, na Compleho Deportivo Frans Figaroa na Noord.
E clubnan cu ta participa ta Paradise Strength Aruba, E2REP Fitness, TNT Gym y RAW Fitness Aruba, Paisnan cu ta presente den e Campionato Nacional ta Canada, Colombia, Curacao, Ecuador, Estados Unidos y Guatemala. Pisamento di atletanan ta 8:30am y competencia ta start sali pa 10:30am.
Tambe lo ta presente den e evento ta e famoso atleta femenino di Canada, Rory van Ulft apenas 12 aña di edad cu ta campeon mundial den su categoria y tin record mundial y tambe presente e atleta Yhurisen Molenaar for di Corsow cu a bira campeon mundial den categoria di masters na Finlandia.
E hisamento ta den diferente categoria den Youth, Junior, Senior y Master. Por spera sigur un bunita competencia, yen di ambiente deportivo unda sigur varios di e atletanan lo bataya duro contra di otro y lo trata di kibra nan record personal.
Aruba Amateur Weightlifting Association kier a invita tur fanatico di e deporte di Weightlifting pa bin apoya e atletanan den e Campeonato Nacional di hisamento di peso. Entrada ta gratis pa grandi y chiquito.
