ORANJESTAD (AAN): E torneo di Softball Caribbean Women 35+ nr 10 ta cuminsa awe Diahuebs na Aruba.
Esaki lo ta na veld di Aruba Juniors. E aña aki e torneo ta dedica na Hetty Herts, Dora Luidens y Helen Vrolijk.
Awe mes e torneo lo cuminza pa 7:00 pm na e veld di Aruba Juniors. Lo tin e team di Aruba Splash Softball Team, cu ta e team organizador cu lo ofrece un bar y cushina bon surti durante e dianan aki.
Na e torneo aki lo tin participacion di teamnan di Curaçao, manera “Mi deseo”, “Nos gozo”, “Treasure & Rising Phoenix”.
Team di Bonaire cu lo participa ta “Bonaire Angels”. Team di St Maarten lo ta “Upsetters”. Team di Hulanda lo ta “Dutch Lions”.
Diabierna dia 27 di october lo tin e apertura oficial na unda lo honra e hungadornan na kende e campeonato ta dedica.
Diasabra dia 28 di october weganan lo cuminsa pa 10 am y anochi lo tin Je'o cu 297 band.
Diadomingo 29 di october 2023 lo tin weganan semi final di 10 am pa 5 pm. Songo band lo clausura e anochi final.
