ORANJESTAD (AAN)—Awe ta observa e Dia Internacional di Deporte pa e Desaroyo y e Paz.
E tema pa aña 2024 ta: “E Deporte como instrumento pa promove sociedadnan pacifico y inclusivo”.
UNESCO, den su relato pa e aña aki ta bisa: “Deporte tin e poder di alinea nos pasion, energia y entusiasmo en torno na un causa colectivo. Y eynan ta, précis, e momento cu por alimenta e speranza y recupera e confianza. Probecha e tremendo poder di e deporte pa yuda construi un futuro miho y mas sostenible pa tur, ta redunda den nos interes colectivo”.
E Dia Internacional di Deporte pa e Desaroyo y e Paz, cu ta wordo celebra mundialmente dia 6 di April, ta sirbi pa reconoce e papel positivo di e deporte y e actividad fisico den e comunidadnan y den e bida di e personanan di henter mundo.
Desde e empoderamento di hende muher adulto y mucha muher, e hobennan, e personanan cu discapacidad y otro gruponan margina y hasta e promocion di e obhetivonan di salud, sostenibilidad y educacion, e deporte ta ofrece nan un potencial enorme pa impulsa e obhetivonan di desaroyo sostenible (ODS) y promove e paz y e derechonan humano.
Nacionnan Uni a conferi for di basta tempo, e poder y e Universidad di Deporte, y ta utiliza nan como herment pa uni e individuonan y gruponan pa medio di apoyo y esfuerzonan di deporte pa e desaroyo, y e participacion na eventonan tanto na nivel mundial como na nivel di base, y e desaroyo di nan propio campaña y iniciativanan relacion cu deporte.
Debi na su gran alcance, popularidad, y balornan positivo riba cual e ta funda, e deporte ta ocupa un lugar privilegia pa contribui na e obhetivonan di desaroyo y paz di Nacionnan Uni.
Dia 23 di Augustus 2023, Nacionnan Uni a proclama dia 6 di April como Dia Internacional di e Deporte pa e Desaroyo y e Paz pa concientiza tocante e papel cu deporte por desempeña den e promocion di e derechonan humano y e desaroyo economico y social.
