#TEAMARU ta conoce un atleta mas pa ASU2025 na Asuncion-Paraguay
ORANJESTAD (AAN): Diahuebs pasa a drenta un noticia sumamente positivo, unda cu a base di re-alocacion di cupo di participacion pa natacion na e Weganan Panamericano Junior, a ricibi un cupo adicional pa Aruba.
E proceso di eligi e atleta cu lo por haci uso di e cupo aki a wordo haci door di e Aruba Aquatics Federation y e hoben Ocean van Loon awor lo tin e oportunidad pa landa na e weganan Panamericano Junior den algun siman!
Comite Olimpico Arubano ta contento pa mira mas hoben haya e oportunidad di por competi na e nivel aki. #TEAMARU
