ORANJESTAD (AAN): Campeonato Nacional di Volleyball a yega na su final.
Despues di batayanan den e campeonato, sodo y determinacion e teamnan a demostra nan habilidadnan den finalnan di weganan emocionante. Pero e emocion no ta para eynan!
Prepara pa un evento spectacular cu ta All Star Game Show! Dianan 23 y 24 di mei 2026 na Centro Deportivo Betico Croes, pa 6:30 te cu 10:30 pm.
Den e show aki e streanan cu a sobresali den e campeonato lo demostra nan habilidadnan. E evento aki no ta simplemente un partido, e ta un experiencia completo cu entretenimento di e volleyball y celebracion comunitario!
Fanaticonan por spera competencia entre e atletanan unda lo tin “skills challenge” unda e atletanan ta bataya y sobresali como por ehempel ta e mihor setter, ta e miho spiker etc. Ta culmina cu 2 exhibicion di alta intensidad unda ekiponan poderoso ta topa otro den bataya. Ta trata di atletanan femenino y masculino.
Na e All Star Game Show aki por spera entretenimento, musica, ambiente y naturalmente un cushina bon surti.
E campeonato cu ta tras di lomba tabata uno hopi competitivo y e atletanan y fanaticada merece un despedida y un clausura di campeonato na un manera spectacular.
All Star Game Show ta un manera pa celebra e deporte di Volleyball unda ta reconoce talento y comparti cu organisacionan miembro di Aruba Volleyball Association cu a competi den e Campeonato Nacional 2025 2026.
Aruba Volleyball Association ta invita tur organisacion miembro di AVA, organisacionan di tur otro deporte y pueblo di Aruba pa bin presencia e celebracion aki.
