ORANJESTAD (AAN): E tabata un evento sigur anticipa; un torneo profesional pa determina e ranking di nos tenistanan local pa 2022.
Pa dos fin di siman, esta dianan 15, 16, 22, y 23 di October, Aruba Lawn Tennis Bond a organisa un tremendo campeonato riba e canchanan di Aruba Racquet Club. No menos cu 67 registracion a drenta di nos tenistanan local cu a hunga un total di 103 wega cu a suma na 84 ora di weganan hopi intenso, durante mainta, merdia y atardi cu a keda hunga.
E categorianan tabata ta Mini Tennis, Orange Ball, Girls U10, Boys U10, Girls U12, Boys U12, Girls U14, Boys U14, Girls U16, Boys U16, Boys U18. E hobennan a bin cu hamber pa wega pasobra e batayanan cu tabatin riba e canchanan, tabata fuerte, apesar di e solo cayente riba nan cabes.
Na final, e ganadornan cu a logra marca nan nomber den e Campeonato aki den nan categoria a bira como lo siguiente.
Categoria Orange Ball e ganador a bira Adam Oehlers, y e Runner-Up ta Ian Frank
Categoria Girls U10 e ganadora a bira Eva Benschop, y e Runner-Up ta Juliet Loefstok.
Categoria Boys U10 e ganador a bira Christopher Pingree, y e Runner-Up ta Giovanni Bocache.
Categoria Girls U12 e ganadora a bira Hailey Curiel, y e Runner-Up ta Dhaena Goitia.
Categoria Boys U12 e ganador a bira Markus Ingwersen, y e Runner-Up ta Nicolas Lee.
Categoria Girls U14 e ganadora a bira Mali Baroud, y e Runner-Up ta Isis Martinez.
Categoria Boys U14 e ganador a bira Nishentel Meyers, y e Runner-Up ta Jerome Koopmans.
Categoria Girls U16 e ganadora a bira Danelle Quijada, y e Runner-Up ta Kyriana de Cuba.
Categoria Boys U16 e ganador ta Elias Vandormael, y e Runner-Up ta Jay Wernet.
Categoria Boys U18 e ganador ta Sebastian Ruiz, y e Runner-Up ta Kyle Ras.
Aruba Lawn Bond ta gradici tur mayornan, mescos cu amigonan, ex tenistanan y fanaticonan di deporte cu tabata presente pa apoya e campeonato aki. Palabra di danki ta bay na Richard Zimmerman cu tabata e referee na encargo di controla e weganan y cu a desplega un tremendo trabou. Un danki ta bay na e patrocinadornan Setar, Domino’s Pizza y Swift Distribution cu a contribui pa haci e weganan aki posibel y yega na trofeonan unico cu e ganadornan a ricibi. Pabien Aruba, Tennis ta activo bek cu tur forsa y cu hopi plannan pa sigi crece, aportando na deporte y mentenan sano den nos comunidad.
