ORANJESTAD (AAN): Den un muestra impresionante di union y vision, Aruba Soccer Academy (ASA) y Team Dreyer a uni nan forsa pa crea un oportunidad inolvidabel pa e mucha y hubentud di Aruba.
Durante e vakantie aki, nan ta presenta e Miami FC Soccer Camp, un experencia cu coaches internacional pa eleva talento di nos hoben y sigui stimula e pasion pa e deporte di futbol.
Uniendo forsa cu e prestigioso Miami FC, ASA y Team Dreyer ta trece futbol di nivel halto pa e hoben nan . E inisiativa aki ta refleha un compromiso di e dos academia nan, pa sigui cu bon desaroyo di e deporte na Aruba
E ASA-Dreyer Miami FC Soccer Camp ta trece experiencia di tecnica unico pa tur e participantenan, mas self-confidence y disciplina.
Tur hoben a ricibi un kit cu uniforme profesional di futbol, y ademas e programa ta inclui training di futsal (zaalvoetbal), motivacional speech, bon ambiente, snacks y refresco.
Internship cu Mmiami FC: E ‘highlight’ ta oportunidad pa cuatro di e mihor hungadornan, gana un invitacion pa internship cu Miami FC na USA (un oportunidad pa experencia futbol na un nivel diferente y amplia nan horizonte).
E colaboracion aki ta un ehempel poderoso di locual por logra ora organizashonnan uni cu mesun meta. ASA y Team Dreyer no ta inverti solamente den desaroyo atletico, sino tambe den caracter, ambicion y soño di nos hoben nan futbolista.
Cu iniciativanan asina, Aruba ta sigui avansa den cultura mas fuerte di educacion deportivo, union y motivation, mustrando cu ora nos traha hunto, e posibilidadnan ta infinito.
DIARIO ta desea tur mucha hopi exito y ta felicita ASA y Dreyer cu e bon ehempel aki.
