ORANJESTAD (AAN): Aruba lo ta anfitrion di e inaugural International Aerial Arts Organization World Championships riba diasabra, 22 di augustus 2026, na Centro Deportivo Libertador Betico Croes.
Atletanan di Aruba, Merca y Australia lo competi den multipel disciplina aereo, incluyendo categorianan di silks, hoop, hammock, sling, y aparatonan special.
Organisa localmente pa Club di Movimiento y Aerial Dance and Performance Aruba conhuntamente cu USAAO United States Aerial Arts Organization, e campeonato lo habri pa publico pa 7:30 a.m., sigui pa un ceremonia oficial pa 8:15 a.m. Competencia ta cuminsa pa mas o menos 8:30 a.m.
E prome campeonato mundial aki na Aruba ta brinda un plataforma internacional importante pa atletanan aereo local y ta brinda comunidad un chens pa experencia e artisticidad y atletismo di deporte aereo na nivel mundial.
Organisadornan ta pidi pa por fabor RSVP y confirma presencia via WhatsApp na: (+297) 737-3914 no mas laat cu 21 di augustus pa 6’or di atardi.
