×

Warning

JFolder: :files: Path is not a folder. Path: /home/diario18/public_html/images/Aruba
×

Notice

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/Aruba
Deporte Hits: 169

Aruba, Boneiro y Corsou ta prepara pa un edicion nobo di competencia y amistad deportivo

Deporte Hits: 169
Aruba, Boneiro y Corsou ta prepara pa un edicion nobo di competencia y amistad deportivo
Deporte Hits: 169

Weganan Interinsular 2027:

ORANJESTAD (AAN): Representantenan di deporte di Aruba (IBiSA), Boneiro (INDEBON) y Corsou (FDDK) a reuni na Kralendijk, Boneiro, entre 25 y 27 di mei 2026 pa evalua e resultado di Weganan Interinsular 2026 y pa prepara pa e proximo edicion di Weganan Interinsular 2027.

Durante e reunionnan, e delegacionnan a enfoca riba e revision di e organisacion, e programa deportivo y diferente punto di mehoracion pa sigui fortalece e evento regional aki. E evaluacion a confirma cu e Weganan Interinsular ta sigui cumpli cu su meta principal, cual ta promove amistad, respet mutuo, integracion y competencia sano entre e hobennan atleta di nos region. Mientras cu e evento ta sirbi como un plataforma pa desaroyo deportivo y intercambio cultural entre e islanan participante.

Ademas a discuti e posibilidad di amplia e participacion di otro islanan y paisnan den futuro, manera Saba, Sint Eustatius, Sint Maarten y Surinam. E representantenan a expresa nan deseo pa sigui fortalece e impacto regional y internacional di e evento, creando mas oportunidad pa intercambio deportivo, cultural y educativo.

Durante e dialogo fructifero, a wordo aproba e programa oficial di Weganan Interinsular 2027, cual lo tuma luga na Aruba, Boneiro y Corsou:

  • Aruba (25–28 februari 2027): Basketball 3x3, Cruyff Court Voetbal y Beach Tennis.
    • Boneiro (11–14 maart 2027): Softbal, Baseball5, Trefbal y Waterpolo.
    • Corsou (8–11 april 2027): Atletismo, Cruyff Court y Volleyball.

Representantenan a expresa nan disposicion pa sigui fortalece e colaboracion mutuo y traha hunto cu e paisnan y islanan cu tin interes pa forma parti di Weganan Interinsular 2027. E meta comun ta pa garantisa un evento exitoso, cu un nivel deportivo y organisatorio halto, na beneficio di tur participante hoben y comunidadnan involucra.

Mas informacion tocante e programa oficial, regla tecnico y organisacion di e evento lo wordo comunica na su debido tempo.

 {gallery}Aruba, Boneiro y Corsou ta prepara pa un edicion nobo di competencia y amistad deportivo{/gallery}