ORANJESTAD (AAN) – Diabierna 28 di October 2022, pa 3 pm na oficina di Notario Helmeyer e
firmamento official di e statuten a worde realiza pa asina legitimiza e
organizacion CUSA “Caribbean Umpires and Scorers Association”..
CUSA su Directiva ta consisti di e siguiente persona nan manera; President Sr. Edson
Louisa, Tesorero Sr. Carlos Benjamin y Secretario Sr. Rolando Halman. Otro
miembro nan di Directiva ta Sr. Francis Maduro, Sr. Giovanni Muelens y Sr. Elvis
Mayers.
CUSA su nomber anteriormente tabata AUSA (Aruba Umpires and Scorers
Association) un movimento cu a inicia un algun aña nan pasa ora un grupo di Umpires
a bini hunto cu meta y intencion pa establece un guia pa Umpires y Scorers y pa
fortalece e nivel di nan. Pa mehora nan habilidad e agilidad pa ta un mihor Umpire o
Scorer pa weganan di baseball y softball en general.
Eventualmente e organizacion a mester cambia su nomber di AUSA pa CUSA pa
asina refleha nan interes, afiliacion y miembrecia Internacional.
E obhetivo di e organizacion a pa promove, proteha, encurasha, educa y motiva e
miembro nan y pa atrae miembronan nobo - pa bira Umpires y/o Scorers.
