Parlamentario Endy Croes direct di Hulanda:
ORANJESTAD (AAN): Pa mas di 10 pa 15 aña e islanan di Aruba, Corsou y St Maarten ta enbusca pa tin derechonan atravez di geschillenregeling cu por determina na momento cu tin problema con lo mester atende cu esaki den Reino Hulandes. Sinembargo e geschillenregeling nunca no a keda cristalisa, pero den e reunion ultimo Hulanda a indica na e islanan pa nan mes traha e concepto di ley.
Parlamentario Endy Croes den un entrevista na Hulanda, aa indica cu e tres islanan a traha hunto riba un concepto ley y e ley a cuminsa cana su caminda, pero durante di e reunion di tripartiet na na Babylon Hotel (Hulanda) tin algun pensamento nan di algun corespondencia nan cu falta claridad y pa e motibo aki mes a palabra cu lo instrui e comision bek unda cu cada pais tin participacion den dje y e comision su tarea ta pa bay determina kico realmente falta.
Sinembargo parlamentario Endy Croes ta indica cu e ley a cuminsa cana su caminda caba y loke cu tabata un preocupacion y discusion e islanan a sali afo den un forma elegante. Berdad ta cu e punto a trece tension riba mesa pero e realidad ta tambe cu tur e islanan a mustra cu banda di e tension cu tin a busca un solucion na mesa y na final di e reunion a sali cu e solucion.
Parlamentario Endy Croes ta kere cu e proceso ta den un bon caminda awo lo mester duna e proceso chance pa cana su caminda y tambe e comision instrui lo cuminsa haci su trabou di awo pa November y asina den cuminsamento di otro aña tin un claridad rond di loke cu tabata falta.
