ORANJESTAD (AAN): Raymond Kamperveen, den su condicion di miembro di Partido RAIZ a duna di conoce cu mirando e resultado di eleccion
caminda su partido no a haya niun asiento, el a bisa cu prone cu tur cos nan mester sinta hunto y haci un evaluacion for di 2021 te cu awor di loke nan a haci y kico por ta e causanan cu e hendenan no a vota manera biaha pasa.
Kamperveen a agrega cu por a wak cu den e partidonan chikito tabatin basta movecion. Den e grandinan no. No ta haya movecion di grandi pa bay chikito. Ta haya e movecion di chikito pa chikito. Esey nan por a ripara, pero esey ta parti di loke ta democracia, a remarca.
Tin cu bay bek den pueblo pa puntra kico RAIZ a haci robes, kico ta e puntonan di mehoracion "pasobra esey nos no por sac'e di nos mes", el a agrega.
Finalmente, personalmente, den joke el a bisa cu aworaki e ta bay dedica na baseball 100% bek. A indica si cu e ta bay evalua su situacion pa cu trabao, teniendo cuenta tambe cu 'overbruggingstoelage' y tambe con e lo mester aplica pa bay trabao bek.
