ORANJESTAD (AAN): Den nomber di Fraccion di Partido MEP, dialuna ultimo, Parlamentario Edgard Vrolijk a entrega Presidente di Comision di Reino di Tweede Kamer, señora Songül Mutluer,
un documento di mas di 500 pagina. E documento ta contene e historia di tur ley cu Aruba a atende cu ne, entre nan Che, RAft, y e ultimo HOFA. Den e documento, Fraccion di MEP a presenta e obheccionnan huridico contra e ley di Reino HOFA y e hechonan di 2020 pa 2025, na unda tambe ta inclui e consehonan negativo di varios profesor, e posicion di sindicatonan y mas di 10 mil firma di ciudadanonan cu ta contra Hofa.
Den e reunion di commission na Tweede Kamer, e Parlamentario a duna di conoce cu a pone enfasis riba e puntonan di mas importante di e ley di Hofa, cu ta contra nos constitucion, contra Statuut y a pidi nan pa considera y hacie algo controversial.
“Nos a hiba discusionnan riba esaki y e parlamentarionan di Hulanda a keda di bay bek y studia e documento pa nan ta bon informa pa ora nan mester tuma decision concreto riba pais Aruba”, Parlamentario Vrolijk a duna di conoce.
Segun el a bisa, e grupo cu a reuni a acentua tambe cu nan mester por traha cu otro miho enbes di opone riba oro. Parlamentario Vrolijk a expresa cu e ta spera cu por tin tin colaboracion den Reino den esaki.
