E partido a lucha pa Aruba su autodeterminacion
ORANJRESTAD (AAN): E derecho di autodeterminacion ta e derecho cu un pueblo tin pa dicidi su propio destino, manera: (*) Con nan kier wordo goberna. (*) Ki tipo di status politico nan kier (autonomia, independencia, etc.) (*) Y con nan kier organiza nan propio pais.
Movimiento Electoral di Pueblo (MEP) a lucha pa e derecho di autodeterminacion di Aruba, pa e Pueblo Arubiano por dicidi su propio futuro politico.
Den 55 aña di existencia di MEP, e movimiento a conoce tres lider, y cada un den su propio epoca a contribui na lucha pa autoderminacion di e Pueblo di Aruba.
Betico Croes tabata e lider principal di MEP cu a lucha pa autodeterminacion y Status Aparte, pa Aruba por a separa for di Antianan Hulandes y logra haya mas autonomia. Na 1986, Betico ta logra Status Aparte pa Aruba den Reino Hulandes. Nelson Oduber a sigui despues pa conserva y fortalece e autonomia, trahando riba desaroyo y defendiendo interes di Aruba den Reino. Evelyn Wever-Croes a hunga un rol moderno pa mantene Aruba fuerte y autonomo, cu enfasis riba bon gobernacion y negociacion cu Hulanda.
