Parlamentario Endy Croes a gara Gerlien gañado atrobe
ORANJESTAD (AAN): Parlamentario Endy Croes a splica cu riba e fecha 17 di December 2025 momento cu Parlamento di Aruba a trata presupuesto 2026 por a tuma nota cu Minister Gerlien Croes a gaña y mal informa Parlamento un biaha mas. Banda cu te cu awe e no por a mustra Parlamento cuanto, ki dia y con el a paga pa su biahe cu e private jet el a sinta gaña cu un cara di coco riba un systema di pump pa Community Pool na San Nicolas. Alavez na 14 ocasion a puntra Gerlien si su consehero Crystal Brown a biaha cune den e jet priva dia 19 di november y pa contesta Parlamento solamente “Si of No” y te cu awe Gerlien no kier contesta Parlamento.
Gerlien y e pump: Durante reunion minister Gerlien tabata gaba cu su logronan di prome 9 lunanan di trabao. Automaticamente a critica Gabinete Wever Croes 2 y e minister saliente pa crea un sfera cu nada nada a wordo haci. Pueblo ta testigo di trabaonan realisa den deporte. Dia 16 di December 2024 den presupuesto supletorio pa cu aña 2024 a reserva y aproba 350 mil pa un pump system moderno y ful nobo. Realidad di bida ta cu e dia ey Gerlien Croes a vota “contra” e presupuesto supletorio y “contra” e 350 mil Florin pa e pump aki.
Sinembargo e presupuesto a wordo aproba y e placa tey. Director di Community Pool San Nicolas y nan team mes a buska offertanan. Unico cos Gerlien mester haci ta coordina esaki pa e wordo paga door di Financien. Pa bin hunga rol awor cu ta Bo ta e salvador y considerando manera Bo mes a bisa den Parlamento un otro logro den apenas 9 luna ta un cheapshot.
Segun Endy Croes, aki por tuma nota atrobe con capaz Gerlien Croes ta pa gaña y mal informa Parlamento di Aruba. Poco poco pueblo ta sera conosi mas di serca cu e monstro bisti den paña di lamchi y na su debido tempo pueblo lo sa di reken af cu Bo. Nois conseho na Bo persona ta pa Bo trata den aña 2026 pa briya cu logro a base di bo propio merito. No purba paga luz di otro pa di Bo briya. Suerte.
