Votamento a keda empata
ORANJESTAD (AAN): Diaranson merdia e votamento a tuma lugar pa di dos biaha, pa mira si ta aproba of no e Ley di Matrimonio di Mesun Sexo. Esaki tabata e proyecto di ley cu dia 8 di Mei ya caba a keda “pega” den Parlamento, ora cu el a haya mes hopi voto “pro” cu “contra”. Esey a socede biaha pasa ora cu Shailiny Tromp-Lee di MEP a sali for di sala pa asina abstene di vota.
Diaranson merdia tabata manera déjà vu, ora cu un biaha mas Shailiny Tromp-Lee a abstene di vota, y el a splica su motibonan awe na Pagina 2.
Como cu e di dos tanda di voto a keda atrobe den empate, esey nifica cu e proyecto di ley aki ta yega te eynan tambe.
