ORANJESTAD (AAN): Diaranson atardi, Partido MEP a lansa un candidato nobo cual ta bin fuerte y bon prepara pa atende cu e tereno di infraestructura. Ta trata di e Ingeniero Jaime Winterdal, un nortero di curason.
Winterdal a wordo introduci door di Evelyn Wever-Croes den su pechi di lider di Partido MEP, ken a bisa cu esaki ta e di cuatro candidato nobo cu nan ta introduci.
Ta caranan conoci y cu a demostra cu por atende cu e situacion di e isla y cu ta bin cu ideanan nobo.
Den e caso aki, ta trata di un candidato cu ta kere den e vision di e partido y cu por aporta cu su experticio, pero cu e amor cu e tin pa Aruba y e progreso di e pais.
Jaime tin un estudio di 'Ingenieria en Construccion' di Instituto Tecnologico de Costa Rica. El a casa 25 aña pasa y e tin dos yiu.
El a compromete su mes den yuda pa hiba Aruba pa dilanti. "Solamente cu bo nos por avansa", el a expresa.
