Endy Croes
- Cu practicamente nan no tin tempo p’e
ORANJESTAD (AAN): Informacion nobo for di Den Haag, ta indica cu Parlamentario Endy Croes tabata presente den e prome dos dia dianan intensivo di reunion di IPKO. Durante e prome dia e Presidentenan di Parlamentonan di Reino y tambe e Presidentenan di e comisionnan di IPKO di cada pais den Reino ta haya oportunidad pa hiba nan speech y duna un relato alrespecto trabaonan y vision pa cu cada pais den Reino.
Reuni cu ex Hues di Aruba Jeroen Koert: Durante e presentacion di e vice presidente di Comision IPKO di Hulanda Jeroen Recourt kende a traha varios aña te cu 2010 como Hues na Aruba, por a tuma nota cu el a trece dilanti varios problema y dolornan cu Hulanda ta bibando cunan actualmente cualnan mester atencion.
No ta comun cu Hulanda ta trece su dolornan asina extenso dilanti. Jeroen Recourt a spika di e Migratie problematiek, a conta di e problema di Hamas- Gaza, a splika e problema di Ruisa Ukraina, a comenta e scarsedad imenso di vivienda y prijsnan cu a dispara manera el a jame cu awor ta “peper duur”, a comenta di inflacion cu ta azotando nan, a splika di assielzoekers problematiek, a repasa e stikstof problematiek y na final a splika e pobreza ‘armoede’ na Hulanda cual a aumenta considerablemente ultimo añanan. Enbista cu e manera cu esaki a worde treci dilanti y net na e momentonan aki Mike Eman y Gerlien Croes kier entrega nos autonomia atrabes di un Rijkswet nos ta puntra nos mes ta ki tempo Hulanda lo por tin pa bay worry cu Aruba si nan mes ta yena cu problema? Indirectamente esaki tabata e mensahe di Jeroen Recourt pa entre otro Aruba.
Turno di Paul Comenencia: Paul Comenencia di Raad van State a duna presentacion riba 70 aña di Statuut. Paul Comenencia a forma parti como Voorzitter di e comision cu a skirbi e conseho di 70 aña di Statuut a duna un presentacion amplio riba dicho conseho y tabata hopi kla riba Consensus Rijkswet. Paul a splika cu “Consensus Rijskwet” den e trayecto “MESTER” pasa Parlamento “Prome” cu e worde entrega pa cuminsa cana su caminda. Transparencia y sosten di Parlamento di cada isla ta di vital importancia den henter e trayecto. Riba un pregunta di un Parlamentario di Hulanda Paul Comenencia a enfatisa cu 100% lokual el a splica esey ta e caminda corecto. Esaki ta kita tur discusion cu tabata tin na Aruba.
Parlamentarionan di AVP- Futuro kendenan tabata sinta den sala a ricibi un “slap in the face” na e momento ey. Nos lo bin back mas extenso riba e parti aki den dianan nos dilanti. Esaki ta confirma cu Parlamentarionan di AVP-Futuro no tabata bon informa pa nan propio gobierno y esaki a causa tur e confusion na Aruba ultimo luna.
Awor cu a scucha esaki di expertonan na Hulanda y di Raad van State lo ta prudente pa bay back cas y traha duro pero importante pa repasa e conseho di raad van State cual buki a wordi reparti pa tur den sala y percura pa e error graval manera a worde cometi recien nunka mas ripiti den futuro. Parlamentario Endy Croes ta termina bisando cu reunionnan ta canando hopi bon y riba e tema particular aki sigur a keda aclarea. Trabaonan ta continua.
