Fraccion di MEP: Na momento cu a bandona gobierno
ORANJESTAD (AAN): Aña escolar 2024-2025 ta tras di lomba. Te cu 3 luna pasa Gobierno di Gabinete Wever-Croes tabata encarga cu enseñansa y ta mira atras riba un gran parti di e aña hopi exitoso.
Gabinete Wever-Croes durante gobernacion a crea espacio financiero lagando atras un surplus di 500 miyon florin di cual por uza parti pa inverti den enseñansa. A aumenta e 'norm bedrag', a haci e dialogo y a laga e trabaonan pa restructura salario di maestronan. Hunto cu SIMAR a laga 3 escenario atras djis pa e gobierno nobo finalisa. Tambe a laga tur plan atras pa construi un scol secundario nobo na Paradera.
Despues cu Gabinete Wever-Croes a sali di gobierno 3 luna pasa, lamentablemente tur cos a paralisa. Tin manera un STILSTAND den gobernacion na Aruba. Esey ta consequencia ora no tin gobierno completo, no tin liderazgo, y no tin gobernacion.
Fraccion di MEP ta spera cu pronto tin movecion. E deseo ta pa Aruba ta un lugar dushi pa biba pa nos muchanan, nos hobennan y nos maestro y docentenan. Y lo sigui lucha desde Parlamento pa crea e Aruba aki dushi pa biba.
