Ashan Tromp di Partido CURPA
ORANJESTAD (AAN): Partido CURPA desde 2021 tin un plan poni pa stimula y segura e produccion di webo local. E plan aki ta ensera cu e minister encarga lo crea e condicionan faborabel pa e produccion di webo local y mas no e mercado di exterior. Condicionan actual di industria di webo di exterior ta faborabel pa e produccion local, pero ora esaki cambia lo tin consecuencia desastroso pa e produccion local.
E prome “Ministeriële Regeling” a kibra e industria di webo aki na Aruba. Santa Helena Chicken Farm tabatin como 90.000 galiña un tempo y tabata ta un di e “chicken farmnan” mas grandi aki na Aruba. Santa Helena Chicken Farm tabata produci +/- 3600 dozijn pa dia cu lo ta +/- 15.7 million webo pa aña. E produccion aki lo a representa 87.8% di e consumo national di 2023 compara cu e produccion totaal di 15% na aña 2023.
A bin acerca e malesa e tempo ey y e produccion di webo no tabata suficiente pa suministra henter e mercado di Aruba. Santa Helena Chicken Farm tabata e “chicken farm” miho ekipa y te cu e dia di awe nos no a yega n’e nivel ey mas. Nan ekipo tabata haci tur cos: laba e webo, inspecciona cada webo cu luz, pa cera e porionan cu un laag chikito di vet, pa separa e webonan di chikito, mediano y grandi.
E “Ministeriële Regeling” tabata basa riba ganashi di bendemento di webo blanco. Mientras esun di webo local tabata ta basa riba prijs maximo. E competencia na USA (egg war) haci cu e prijs di webo blanco tabata ta mas barata cu webo produci aki na Aruba. Actualmente e costo di cuminda pa galiña ta birando mas caro y esaki ta haci cu e ganashi riba webo di galiña na Aruba a baha considerabelmente y hasta por crea perdida pa e productornan local.
E caida den production di webo importa ta crea condicion faborabel, pero temporal pa e produccion local. E intencion di un “Ministeriële Regeling” ta pa suavisa un ley pa asina sostene nos industrianan local, pero e Ministeriële Regeling actual ta kibra e industrianan local. CURPA ta determina pa e industria di agricultura, cria y pesca florece y bira un aportador grandi di nos economia.
